ଅନୁଗୋଳ ଜିଲା ଛେଣ୍ଡିପଦା ବ୍ଲକ ପଞ୍ଚାୟତ ସମିତି ସଭାଗୃହ ଠାରେ ରବିବାରବ ଅଲିଭା ଗ୍ରାମ ପଞ୍ଚାୟତ ମହାସଂଘ ଓ ବିଧାୟକଙ୍କ ଜିଲାସ୍ତରୀୟ ବୈଠକ ଅନୁଷ୍ଠିତ ହୋଇଯାଈଛି । ନାରୀ ସୁରକ୍ଷା ସମିତି ସହଭାଗିତାରେ ଆୟୋଜିତ ବୈଠକରେ ଅଲିଭା ଗ୍ରାମ ପଞ୍ଚାୟତ ସହାସଂଘର ସଭାପତି ସୁଲୋଚନା ଖିଲାରଙ୍କ ସଭାପତିତ୍ବରେ ଆୟୋଜିତ ବୈଠକରେ ମୁଖ୍ୟ ଅତିଥି ଭାବେ ଛେଣ୍ଡିପଦା ବିଧାୟକ ସୁଶାନ୍ତ କୁମାର ବେହେରା , ନାରୀସୁରକ୍ଷା ସମିତି ସମ୍ପାଦକ ସ୍ମିତାରାଣୀ ପଟ୍ଟନାୟକ ପ୍ରମୁଖ ଯୋଗଦେଇ ଏହି ବୈଠକ ଅାନୁଷ୍ଠାନିକ ଭାବେ ଉଦଘାଟନ କରିଥିଲେ ।ଏହି ବୈଠକରେ ପ୍ରତ୍ୟକ ପଞ୍ଚାୟତ ସ୍ତରରେ ମହିଲା ମାନଙ୍କ ପ୍ରତି ହେଉଥିବା ହିଂସା ,ମହିଳା ମାନଙ୍କର ଦକ୍ଷତା ଓ ନେତୃତ୍ବ ବୃଦ୍ଧି କରାଯିବା ଏବଂ ଆଂଚଳିକ ସମସ୍ୟା ସମ୍ପର୍କରେ ଆଲୋକ ପାତ କରିଥିଲେ । ଏହି ପରିପେକ୍ଷିରେ ମହିଳା ସଂଘ ପକ୍ଷରୁ ୭ ଦଫା ଦାବି ସମ୍ବଳିତ ଏକ ଦାବୀ ପତ୍ର ବିଧାୟକଙ୍କୁ ପ୍ରଦାନ କରିଥିଲେ । ମହିଳାମାନଙ୍କର ୭ ଦଫା ସମ୍ବଳିତ ଦାବୀପତ୍ରକୁ ପଞ୍ଚାୟତ ରାଜ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିବା ସହିତ ବିଧାନସଭାରେ ଉପସ୍ଥାପନା କରିବେ ବୋଲି ପ୍ରତିଶ୍ରୁତି ଦେଇଥିଲେ । ଏହି ବୈଠକରେ ଅଲିଭା ମହାସଂଘର ୨୦୦ରୁ ଉର୍ଦ୍ଧ୍ବ ପଞ୍ଚାୟତ ପ୍ରତିନିଧି ମାନେ ଯୋଗଦେଇଥିଲେ ।
