ଅନୁଗୁଳ ସହର ରାଜ ହୋଟେଲ ଛକ ନିକଟରେ ସଡକ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ। ବନ୍ତଳା ଥାନା ତୁମୁଣି ଗାଁର ଦୋଳ ଗୋଚ୍ଛାୟତ (୩୨) ସୌଭାଗ୍ୟନଗରରେ ରହୁଥିବା ଭଡା ଘରକୁ ସାଇକେଲ ଯୋଗେ ଫେରୁଥିବା ସମୟରେ ଦିନ ପ୍ରାୟ ୧ ତା ବେଳେ ରାଜ ହୋଟେଲ ଛକ ନିକଟରେ ପଛରୁ ଏକ ଟ୍ରକ (ଓଆର ୦୯-ଜେ ୪୮୭୨) ତାଙ୍କୁ ଧକ୍କା ଦେଇଥିଲା ।ଗୁରୁତର ଅବସ୍ଥାରେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରା ଯାଇଥିଲା ଯେଉଁଠି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଦୁର୍ଘଟଣା ପରେ ଉତ୍ତ୍ୟକ୍ତ ଲୋକ ପ୍ରାୟ ଦୁଇ ଘଣ୍ଟା ଧରି ୫୫ ନଂ ଜାତୀୟ ରାଜପଥ ଉପରେ ଟାୟାର ଜାଲି ଅବରୋଧ କରି ଥିଲେ । 
ଖବର ପାଇ ଅନୁଗୁଳ ପୋଲିସ ଘଟଣା ସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ଅବରୋଧ ହଟିଥିଲା । ଦୁର୍ଘଟଣା ଘଟାଇଥିବା ଟ୍ରକ ଚାଳକ ଦୁର୍ଘଟଣା ପରେ ଫେରାର ହୋଇ ଯାଇଥିବା ବେଳେ ଟକ୍ରଟିକୁ ପୋଲିସ ଜବତ କରି ତଦନ୍ତ କରୁଛି।
