ଶିକ୍ଷକ ମଦ୍ୟପାନ କରି ସ୍କୁଲ ଆସି ଛାତ୍ରଛାତ୍ରୀ ମାନଙ୍କୁ ମାଡ଼ ମାରିବା ସହ ସହଯୋଗୀ ଶିକ୍ଷକଙ୍କୁ ମାଡ଼ ମାରିବା ଯୋଗୁଁ ଉତ୍ତେଜନା ପରିସ୍ଥିତି ସୃଷ୍ଟି । ଶିକ୍ଷକଙ୍କ ଏଭଳି ଆଚରଣ ଯୋଗୁଁ ଅଭିଭାବକ ଓ ଗ୍ରାମବାସୀ ମାନେ ଏକ କୋଠରୀରେ ବନ୍ଦ କଲେ। ମିଳିଥିବା ସୁଚନା ଅନୁସାରେ ଛେଣ୍ଡିପଦା ବ୍ଲକ ଅନ୍ଧାରିକଟା ପ୍ରାଥମିକ ବିଦ୍ୟାଳୟର ଶିକ୍ଷକ ବିଭୁତି ଭୂଷଣ ବେହେରା ଆଜି ଦିନ ୩ ଟା ବେଳେ ମଦ୍ୟପାନ କରି ସ୍କୁଲକୁ ଆସିଥିଲେ । ଅତ୍ୟଧିକ ମଦ୍ୟପାନ କରି ସେ ହଠାତ ସ୍କୁଲର ଛାତ୍ରଛାତ୍ରୀ ମାନଙ୍କୁ ବାଡ଼ିରେ ମାଡ଼ ମାରିଥିଲେ । ବାରଣ କରିବାରୁ ସହକାରୀ ଶିକ୍ଷକ ମାନଙ୍କୁ ମଧ୍ୟ ମାଡ଼ ମାରିଥିଲେ । ମଦ୍ୟପାନ କରି ପାଟିତୁଣ୍ଡ କରୁଥିବାରୁ ଲୋକମାନେ ସେଠାରେ ଜମା ହୋଇ ଯାଇଥିଲେ । ଶିକ୍ଷକ ଙ୍କ ଏଭଳି ବ୍ୟବହାର ଦେଖି ଅସନ୍ତୋଷ ଦେଖା ଦେଇଥିଲା । ଗ୍ରାମବାସୀମାନେ ଏକାଠି ହୋଇ ଶିକ୍ଷକଙ୍କୁ କାବୁ କରି ଏକ କୋଠରୀରେ ବନ୍ଦ କରି ଦେଇଥିଲେ। ଖବର ପାଇ ଛେଣ୍ଡିପଦା ପୋଲିସ ଶିକ୍ଷକଙ୍କୁ ଉଦ୍ଧାର କରି ଛେଣ୍ଡିପଦା ଥାନାକୁ ନେଇଯାଇଥିଲା।
