ଅନୁଗୁଳ ଜିଲ୍ଲାରେ ଗାଧୁଆ ତୁଠରେ ମହିଳାଙ୍କୁ କମେଣ୍ଟ କରି ନିସ୍ତୁକ ମାଡ଼ ଖାଇଲେ ଯୁବକ । ସୂଚନା ଅନୁଯାୟୀ କୋଶଳା ଗାଁର ଏକ ପୋଖରୀ ତୁଠରେ କିଛି ମହିଳା ଗାଧୋଉ ଥିବା ସମୟରେ ବ୍ରାହ୍ମଣବିଲ ଗାଁର ପପୁ ସେଠି ନାମକ ଜଣେ ଯୁବକ ସେମାନଙ୍କୁ ଅଶ୍ଳୀଳ ଭାଷାରେ କମେଣ୍ଟ ମାରିଥିଲା । ମହିଳା ମାନେ ତାଙ୍କୁ ବାରଣ କରିବା ସତ୍ତ୍ୱେ ସେ ଶୁଣି ନଥିଲା।ଅସହ୍ୟ ହେବାରୁ ମହିଳା ମାନେ ଏକତ୍ରିତ ହୋଇ ଯୁବକକୁ କାବୁ କରି ନେଇଥିଲେ ଓ ଗାଁ କୁ ଆଣି ଏକ ଅଟୋ ଡାଲାରେ ବାନ୍ଧି ନିସ୍ତୁକ ମାଡ଼ ମାରିଥିଲେ । ପରେ ଖବର ପାଇ ଛେଣ୍ଡିପଦା ପୋଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରି ଯୁବକକୁ ନିଜ ହେପାଜତକୁ ନେଇଥିଲା।
