ଅନୁଗୁଳ ଜିଲ୍ଲା ବନ୍ତଳା ଥାନା ଅନ୍ତର୍ଗତ ତଳଗଡ଼ ଗ୍ରାମ ପଞ୍ଚାୟତ ର କନ୍ତମେଘ ଗ୍ରାମପାଖ ଜଙ୍ଗଲ ନିକଟ ରୁ ଜଣେ ଯୁବକ ଙ୍କ ମୃତ୍ୟୁ ଦେହ ଉଦ୍ଧାର କରିଛି ବନ୍ତଳା ପୋଲିସ । ସୂଚନା ଅନୁଯାୟୀ କନ୍ତମେଘ ଗ୍ରାମର ହାଡ଼ିବନ୍ଧୁ ଦେହୁରୀ (୨୫) କାଲି ସକାଳ ସମୟରେ ଜାଳେଣି କାଠ ଆଣିବା ପାଇଁ ଗାଁ ପାଖ ଜଙ୍ଗଲ କୁ ଯାଇଥିଲେ । ଦୀର୍ଘ ସମୟ ଧରି ଘରକୁ ନ ଫେରିବାରୁ ପରିବାର ଲୋକେ ଓ ଗ୍ରାମ ବାସୀ ପାଖ ଜଙ୍ଗଲ ରେ ଖୋଜା ଖୋଜି କରିଥିଲେ । ଦିନ ସାରା ଖୋଜିବା ପରେ ସନ୍ଧ୍ୟା ୬ଟା ସମୟରେ ପାଖ ଜଙ୍ଗଲ ରୁ ହାଡ଼ି ବନ୍ଧୁଙ୍କ ମୃତ ଦେହ ଗ୍ରାମ ବାସୀ ମାନେ ଦେଖି ପରିବାର ଲୋକଙ୍କୁ ଖବର ଦେଇଥିଲେ । ଖବର ପାଇ ବନ୍ତଳା ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହ ଜବତ କରିବା ସହ ତଦନ୍ତ ଜାରି ରଖିଥିବା ଜଣାପଡିଛି।
