ଅନୁଗୁଳ ଜିଲ୍ଲା ତାଳଚେର ନନ୍ଦିରା ଛକ ନିକଟରେ ଦୁର୍ଘଟଣାରେ ଜଣେ ମୃତ। ମୃତକ ଜଣଙ୍କ ହେଲେ ଭରତପୁର କଲୋନୀର ସନ୍ତୋଷ ମହାନ୍ତି ବୋଲି। ମିଳିଥିବା ସୂଚନା ଅନୁସାରେ ସନ୍ତୋଷ MCL ଭରତପୁର କୋଇଲା ଖଣି ର କର୍ମଚାରୀ । ସନ୍ତୋଷ ତାଙ୍କ ମୋଟରସାଇକେଲରେ ଯାଉଥିବା ବେଳେ ଭାରସାମ୍ୟ ହରାଇ ରୋଡ ଡିଭାଇଡ଼ରରେ ବାଡେଇ ହୋଇ ଯାଇଥିଲେ । ଫଳରେ ରାସ୍ତାରେ କଚାଡି ହୋଇ ପଡିବା ସହ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ଘଟଣା ସ୍ଥଳରୁ ସନ୍ତୋଷଙ୍କୁ ଉଦ୍ଧାର କରି ଡାକ୍ତରଖାନରେ ଭର୍ତ୍ତି କରା ଯାଇଥିଲା । ତେବେ ଅବସ୍ଥା ଗୁରୁତର ହେବାରୁ କଟକ ସ୍ଥାନାନ୍ତରିତ ବେଳେ ବାଟରେ ତାଙ୍କର ମୃତ୍ୟୁ ହୋଇଥିଲା ।
