Webportal

ଟିପର ବାଇକ ଧକ୍କା:ବାଇକ ଚାଳକ ମୃତ

sanitry
0 208

ଅନୁଗୁଳ ଜିଲ୍ଲା ବଅଁରପାଳ ଥାନା ଖନ୍ଦାନାଳୀ ପୋଖରୀ ନିକଟରେ ଆଜି ଅପରାହ୍ନ ରେ ଟ୍ରିପର ସହ ମୋଟରସାଇକେଲର ମୁହାଁମୁହିଁ ଦୁର୍ଘଟଣା ହେବା ଫଳରେ ଘଟଣା ସ୍ଥଳରେ ମୋଟରସାଇକେଲ ଚାଳକଙ୍କ ମୃତ୍ୟୁ ହୋଇଛି । ମିଳିଥିବା ସୂଚନା ଅନୁସାରେ ଆଜି (ଗୁରୁବାର) ଅପରାହ୍ନ ୪ଟା ସମୟରେ ରାସୋଳ ବଙ୍କାଟିଆ ଅଞ୍ଚଳର ସନ୍ତୋଷ ନାଏକ ନାମକ ଜଣେ ଯୁବକ ଓଡ଼ି ୦୬ ଏଚ୪୭୮୭ ନମ୍ବର ବିଶିଷ୍ଟ ମୋଟରସାଇକେଲରେ ଅନୁଗୋଳରୁ ରାସୋଳ ଅଞ୍ଚଳକୁ ଯାଉଥିବା ସମୟରେ ମହିଧରପୁର ଆଡୁ ଅନୁଗୋଳ ଆଡକୁ ଯାଉଥିବା ଏକ ଚିପ୍ସ ବୋଝେଇ ଟ୍ରିପର ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ଘଟଣା ସ୍ଥଳରେ ହିଁ ସନ୍ତୋଷଙ୍କର ମୃତ୍ୟୁ ହୋଇଥିଲା । ଦୁର୍ଘଟଣା ଘଟାଇ ଟ୍ରିପର(ଓଆର ୧୬ସି ୪୬୧୬)ଟି ଘଟଣା ସ୍ଥଳରୁ ଫେରାର ହୋଇ ଯିବାକୁ ଚେଷ୍ଟା କରୁଥିବା ବେଳେ ବେଳେ ଫାଣ୍ଡି ଅଧିକାରୀ ପିଛା କରି ଚିପ୍ସ ବୋଝେଇ ଟ୍ରିପରକୁ ଜବତ କରିଥିଲେ । ପରେ ପୋଲିସ ଘଟଣା ସ୍ଥଳରେ ପହଞ୍ଚି ମୋଟରସାଇକେଲକୁ ଜବତ କରିବା ସହ ଶବ ବ୍ୟବଚ୍ଛେଦ ପାଇଁ ମୃତଦେହକୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ତଦନ୍ତ କରୁଛି ।

Square Ad 1
Leave A Reply

Your email address will not be published.