ଅନୁଗୁଳ ଜିଲ୍ଲା ଜରପଡା ଥାନା ଊଗି-ଅନ୍ତୁଳିଆ ରାସ୍ତାରେ ସଡକ ଦୁର୍ଘଟଣାରେ ଜଣେ ଯୁବକ ମୃତ୍। ସେ ହେଲେ ସମଲ ଥାନା ବୀରୁ ଗ୍ରାମର ସୁଜନ ନାଏକ । ସୂଚନା ଅନୁସାରେ ସୁଜନ କୌଣସି କାମରେ ଅପରାହ୍ନ ୩ ଟା ବେଳେ ଜରପଡାରୁ ଅନ୍ତୁଳିଆ ଆଡକୁ ନିଜ ପଲସର ମୋଟରସାଇକେଲରେ ଯାଉଥିଲେ । ତେବେ ଉଗି ଚୁଡାଖାଇ ନାଳ ପାଖରେ ତାଙ୍କୁ ଏକ ମିନିଟ୍ରକ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ହିଁ ସୁଜନଙ୍କର ମୃତ୍ୟୁ ହୋଇଥିଲା । ଖବର ପାଇ ଜରପଡା ପୋଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଗାଡିକୁ ଜବତ କରି ତଦନ୍ତ କରୁଛି ।
