ଅନୁଗୁଳ ଜିଲ୍ଲା ତାଳଚେର ସମଲ ଥାନା ସିଲିଂ ଗାଁରେ ହତ୍ୟାକାଣ୍ଡ। ପାରିବାରିକ କଳହ କାରଣରୁ ଦୁଇ ଝିଅ ଓ ସ୍ତ୍ରୀ ମିଶି ଜଣେ ବ୍ୟକ୍ତିଙ୍କୁ ହତ୍ୟା କରିଛନ୍ତି । ସୂଚନା ଅନୁସାରେ ସିଲିଂ ଗାଁର ସୁନନ୍ଦ ପ୍ରଧାନଙ୍କ ଆଜି ଭୋରରେ ତାଙ୍କ ସ୍ତ୍ରୀ ଓ ଦୁଇ ଝିଅଙ୍କ ସହ ପାରିବାରିକ ସମସ୍ୟାକୁ ନେଇ ଝଗଡା ହୋଇଥିଲା । ଏହି ଝଗଡା ବେଳେ ଉତ୍ୟକ୍ତ ହୋଇ ସ୍ତ୍ରୀ ଭାରତୀ ପ୍ରଧାନ ଓ ଦୁଇ ଝିଅ ଗୁନି ଓ ଲୁନି ମିଶି ସୁନନ୍ଦଙ୍କୁ ଆକ୍ରମଣ କରିଥିଲେ । କାଠ ଫାଳିଆ ଓ ଶାବଳରେ ଆକ୍ରମଣ ଫଳରେ ଘର ଭିତରେ ସୁନନ୍ଦଙ୍କ ମୃତ୍ୟୁ ହୋଇଥିଲା । ଖବର ପାଇ ସମଲ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି ।। ଘରର ବିଭିନ୍ନ ସ୍ଥାନରେ ରକ୍ତ ଛିଟା ଲାଗିଥିବା ବେଳେ ହତ୍ୟାକାଣ୍ଡ ରେ ବ୍ୟବହୃତ କାଠ ଫାଳିଆକୁ ଜବତ କରିଛି ପୋଲିସ । ହତ୍ୟାକାଣ୍ଡ ପରେ ମା ଓ ଦୁଇ ଝିଅ ଆତ୍ମସମର୍ପଣ କରିଛନ୍ତି।
