ଗତକାଲି ଅନୁଗୁଳ ଜିଲ୍ଲା ସମଲ ଥାନା ଅନ୍ତର୍ଗତ ସିଲିଙ୍ଗ ଗ୍ରାମରେ ଘଟିଥିବା ହତ୍ୟାକାଣ୍ଡ ସଂଦର୍ଭରେ ପୋଲିସ ଆଇପିସି ଧାରା ୩୦୨/୩୪ ଅନ୍ତର୍ଗତ ମାମଲା ରୁଜୁ କରି ଆତ୍ମସମର୍ପଣ କରିଥିବା ୩ଜଣଙ୍କୁ ମିଶାଇ ଆଠ ଜଣଙ୍କୁ ଗିରଫ କରିଛି।ଗିରଫ ମାନଙ୍କ ମଧ୍ୟରେ ମୃତକ ର ସ୍ତ୍ରୀ, ଦୁଇ ଝିଅ, ଶ୍ୱଶୁର,ଶଳା, ସଡୁ, ଶ୍ୱଶୁରଙ୍କ ଦୂର ସମ୍ପର୍କୀୟ ଓ ସଡୁଙ୍କ ସାଙ୍ଗ ଅଛନ୍ତି।ପୋଲିସ ତିନୋଟି କାଠ ଫାଳିଆ ଓ ଦୁଇଟି ମଟର ସାଇକେଲ ଜବତ କରିଛି।
୧୬ ତାରିଖରେ ମୃତକ ସୁନନ୍ଦ ପ୍ରଧାନଙ୍କ ବଡ଼ ଭଉଣୀ ଏତଲା ଦେଇଥିଲେ ଯେ ତାଙ୍କ ଭାଉଜ ଭାରତୀ ପ୍ରଧାନ ନିଜର ଦୁଇ ଝିଅ ଓ ଚାରି ପାଞ୍ଚ ଜଣ ଲୋକଙ୍କ ସହ ମିଶି ଘରୋଇ କଳି ପାଇଁ ତାଙ୍କ ଭାଇଙ୍କୁ ମାରିଦେଲେ। ପରେ ମୃତକଙ୍କ ସ୍ତ୍ରୀ ଓ ଦୁଇ ଝିଅ ଆତ୍ମସମର୍ପଣ କରିଥିଲେ।ତାଙ୍କୁ ପଚରାଉଚୁରା ପରେ ହତ୍ୟାରେ ଅନ୍ୟ ସଂପୃକ୍ତଙ୍କ ବିଷୟରେ ଜଣାପଡିଥିଲା।ପୋଲିସ ସମସ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ଓ କେଶର ଅଧିକ ଅନୁସନ୍ଧାନ ଜାରି ରଖିଛି।
ଏ ସମସ୍ତ ସୂଚନା ଅନୁଗୁଳ ଜିଲ୍ଲା ପୋଲିସ ପକ୍ଷରୁ ଏକ ପ୍ରେସ ନୋଟ ଜରିଆରେ ଦିଆଯାଇଛି।
