ଏଲୋପାଥିକୁ ନେଇ ବାବା ରାମଦେବଙ୍କ ମନ୍ତବ୍ୟ ଉପରେ ଦିଲ୍ଲୀ ହାଇକୋର୍ଟଙ୍କ କଡା ଆଭିମୁଖ୍ୟ, କହିଲେ ଜନତାଙ୍କୁ ଭୂଆଁ ବୁଲାନ୍ତୁ ନାହିଁ…

ବୁଧବାର ଦିଲ୍ଲୀ ହାଇକୋର୍ଟ ଏଲୋପାଥି ଏବଂ କୋଭିଡ -୧୯ ର ଚିକିତ୍ସା ସମ୍ବନ୍ଧରେ ଦେଇଥିବା ବାବା ରାମଦେବ ଦେଇଥିବା ବିବୃତ୍ତିରେ ଜନସାଧାରଣଙ୍କୁ ବିଭ୍ରାନ୍ତ ନକରିବାକୁ କହିଛନ୍ତି । ହାଇକୋର୍ଟ କଡା ଭାଷାରେ କହିଛନ୍ତି ଯେ ଆପଣଙ୍କ ଅନୁଗାମୀ ଏବଂ ଶିଷ୍ୟ ଏବଂ ଏପରି ଲୋକ ଯେଉଁମାନେ ଆପଣଙ୍କ ଉପରେ ବିଶ୍ୱାସ କରନ୍ତି ସେମାନେ ଏହାକୁ ସ୍ବାଗତ କରିପାରନ୍ତି । ହେଲେ କୌଣସି ଅଧିକାରୀଙ୍କଠାରୁ ଅଧିକ କଥା କହି କାହାକୁ ଭ୍ରମିତ କରନ୍ତୁ ନାହିଁ । ଯୋଗ ଗୁରୁ ବାବା ରାମଦେବ କୋଭିଡ -୧୯ ର ଚିକିତ୍ସାକୁ ନେଇ ଭୁଲ ତଥ୍ୟ ବିସ୍ତାର କରିଥିବା ଅଭିଯୋଗ ହୋଇଥିଲା ।

ଏଠାରେ ସୂଚନାଥାଉକି, ବାବା ରାମଦେବ କୋଭିଡ -୧୯ ଚିକିତ୍ସା ପାଇଁ ଡାକ୍ତର ମାନଙ୍କୁ ସମାଲୋଚନା କରିଥିଲେ । ୨୦୨୧ ମସିହାରେ ଭାଇରାଲ ହୋଇଥିବା ଏକ ଭିଡିଓରେ କରୋନା ଭାଇରସ୍ ସଂକ୍ରମଣର ଚିକିତ୍ସା ପାଇଁ ବ୍ୟବହୃତ ହେଉଥିବା କିଛି ଔଷଧ ଉପରେ ବାବା ରାମଦେବ ପ୍ରଶ୍ନ କରିଥିବା ଶୁଣିବାକୁ ମିଳିଥିଲା । ଏଥିରେ ରାମଦେବ କହିଥିଲେ ଯେ, କୋଭିଡ୍ ୧୯ ପାଇଁ ଏଲୋପାଥିକ୍ ଔଷଧ ଖାଇବା ପରେ ଲକ୍ଷ ଲକ୍ଷ ଲୋକଙ୍କର ମୃତ୍ୟୁ ଘଟିଛି’। ଆଉ ଏହି ମନ୍ତବ୍ୟକୁ ଡାକ୍ତର ସଂଘ ପକ୍ଷରୁ ଘୋର୍ ବିରୋଧ କରାଯାଇଥିଲା । ଏଥି ସହ ଦିଲ୍ଲୀ ମେଡିକାଲ ଆସୋସିଏସନ ଦିଲ୍ଲୀ ହାଇକୋର୍ଟରେ ଏକ ପିଟିସନ ଦାଖଲ କରିଥିଲା ।

ଦିଲ୍ଲୀ ମେଡିକାଲ ଆସୋସିଏସନର ଆବେଦନ ଉପରେ ଶୁଣାଣୀ କରି ଜଷ୍ଟିସ ଭବାନୀ କହିଛନ୍ତି ଯେ ଆୟୁର୍ବେଦର ଭଲ ନାମ ଏବଂ ପ୍ରତିଷ୍ଠା ରକ୍ଷା କରିବା ମୋର ଚିନ୍ତା । ମୋର ଉଦ୍ଦେଶ୍ୟ ହେଉଛି ଏଲୋପାଥି ବିରୁଦ୍ଧରେ କାହାକୁ ଭ୍ରାନ୍ତ କରାଯିବା ଉଚିତ୍ ନୁହେଁ । ଅଦାଲତ ଆହୁରି କହିଛନ୍ତି ଯେ ମୁଁ ଟୀକା ନେବି ନାହିଁ କହିବା ଏକ ଭିନ୍ନ କଥା, କିନ୍ତୁ ଟୀକା ବିରୋଧରେ କହିବା ଏକ ଭୁଲ୍ ।