ରାଉରକେଲାରେ ପୁଲିସ ଏନକାଉଣ୍ଟରରେ ରବିବାର ଜଣେ ଦୁର୍ଦ୍ଦାନ୍ତ ଅପରାଧି ଗୁରୁତର ଆହତ ହୋଇଥିବା ବେଳେ ତା ପାଖରୁ ପିସ୍ତଲ ଓ ଗୁଳି ଜବତ ହୋଇଥିବା ପୁଲିସ ଅଧିକାରୀ କହିଛନ୍ତି। ଆହତ କୁଖ୍ଯାତ ଅପରାଧୀ ହେଉଛି ଅନିଲ ତିର୍କୀ ଓ ତାକୁ ଆଇଜିଏଚରେ ଭର୍ତ୍ତି କରାଯାଇଛି। ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ ଚାନ୍ଦିପୋଷ ସଂରକ୍ଷିତ ଜଙ୍ଗଲର ରୁତୁକପେଡି ନିକଟରେ ପୁଲିସ ଗୁଳିମାଡରେ ସେ ଆହତ ହୋଇଥିବା ଜଣାପଡିଛି।ତା ନାମରେ ସୁନ୍ଦରଗଡ, ଝାରସୁଗୁଡା, ସମ୍ବଲପୁର ଜିଲ୍ଲାରେ ମୋଟ ୨୨ଟି ମୋକଦ୍ଦମା ତଦନ୍ତାଧୀନ ରହିଛି। ସଂଧ୍ଯାରେ ଅନୀଲ ବାଇକ ଯୋଗେ ରୁତୁକପେଡି ଜଙ୍ଗଲ ରାସ୍ତାରେ ଯାଉଥିବାର ସୂଚନା ପାଇ ବ୍ରାହ୍ମଣୀ ତରଙ୍ଗ ଥାନା ଆଇଆଇସି ସନ୍ତୋଷ ଜେନାଙ୍କ ନେତୃତ୍ବରେ ସଦଳବଳେ ପୋଲିସ ତାକୁ ଗିରଫ କରିବା ପାଇଁ ଯାଇଥିଲେ। କିନ୍ତୁ ସେ ପୋଲିସ ଉପରକୁ ୩ ରାଉଣ୍ଡ ଗୁଳି ମାଡ଼ କରିବାରୁ ଦୁଇଜଣ ପୁଲିସ ଆହତ ହୋଇଥିଲେ। ପରେ ପୁଲିସ ପାଲଟା ଗୁଳିମାଡ କରିବାରୁ ଅନୀଲର ଡାହାଣ ଗୋଡରେ ଗୁଳି ବାଜି ଥିଲ ଓ ସେ ତଳେ ପଡିଯିବାରୁ ପୁଲିସ ତାକୁ କାବୁ କରି ନେଇଥିଲା। ତା ନିକଟରୁ ଗୋଟିଏ ପିସ୍ତଲ, ୩ ରାଉଣ୍ଡ ଜୀବନ୍ତ ଗୁଳି, ଗୋଟିଏ ବାଇକ ଏବଂ ୩ ହଜାର ୯୦୦ ଟଙ୍କା ଜବତ କରାଯାଇଛି ବୋଲି ଡିଏସପି ଅସୀମ ପଣ୍ଡା ସୂଚନା ଦେଇଛନ୍ତ
